दोन वेळा ऑलिम्पिक पदक विजेती पीव्ही सिंधू मलेशिया ओपन सुपर 750 बॅडमिंटन महिला एकेरीच्या उपांत्यपूर्व फेरीत गतविजेत्या चायनीज तैपेईच्या ताई त्झू यिंगकडून पराभूत झाल्यामुळे बाहेर पडली, तर प्रणॉयला इंडोनेशियाच्या सातव्या मानांकित जोनाथन क्रिस्टीकडून पराभव पत्करावा लागला.
टोकियो ऑलिम्पिक रौप्यपदक विजेत्या दुसऱ्या मानांकित यिंगविरुद्ध पहिला गेम जिंकल्यानंतर सातव्या मानांकित सिंधूला आपला वेग कायम ठेवता आला नाही आणि ती 21-13, 15-21, 13-21अशी पराभूत झाली.
दुसऱ्या गेममध्येही भारतीय खेळाडूने चांगली सुरुवात केली पण यिंगने पुनरागमन करत ब्रेकमध्ये आपली आघाडी11-3 अशी वाढवली.यिंगने धार बदलल्यानंतर आपली आघाडी 14-3 अशी वाढवली, पण सिंधूने पुनरागमन करत प्रतिस्पर्ध्याची आघाडी 17-15 अशा दोन गुणांवर मर्यादित केली.
यिंगने मात्र त्यानंतर सिंधूला कोणतीही संधी दिली नाही आणि चार गुण मिळवत सामना निर्णायक गेममध्ये नेला.तिसर्‍या गेमच्या सुरुवातीला दोघांमध्ये 12 गुणांसाठी निकराची लढत पाहायला मिळाली पण त्यानंतर सिंधूने गती गमावली आणि यिंगने उपांत्य फेरी गाठताना विजेतेपदाचा बचाव केला.प्रणॉयचा क्रिस्टीने 44 मिनिटांत 21-18, 21-16 असा पराभव केला.
