ड्युरंड कप 2024 मध्ये, मोहन बागान सुपर जायंट्सने दुसऱ्या उपांत्य फेरीच्या सामन्यात बेंगळुरू एफसीचा 4-3 असा पराभव केला. निर्धारित वेळेत सामना 2-2 असा बरोबरीत संपला, त्यानंतर पेनल्टी शूटआऊटने विजेते निश्चित केले. मंगळवारी विवेकानंद युवा भारती क्रीडांगण येथे खेळल्या गेलेल्या रोमहर्षक सामन्यात मोहन बागान सुपर जायंट्सने बंगळुरूचा पेनल्टी शूट-आऊटमध्ये पराभव केला आणि अंतिम फेरीत प्रवेश केला. 133व्या इंडियन ऑइल ड्युरंड कप 2024 च्या अंतिम फेरीत मोहन बागानचा सामना नॉर्थईस्ट युनायटेडशी होणार आहे.
जेसन कमिंग्ज, मनवीर सिंग, लिस्टन कोलाको आणि दिमित्री पेट्राटोस यांनी पेनल्टी शूटआऊटमध्ये मोहन बागानसाठी गोल करण्यात यश मिळवले. नियमानुसार, सुनील छेत्री (42वे मिनिट) आणि युवा प्रतिभावान विनीत व्यंकटेश (50व्या मिनिटाला) यांच्या गोलच्या जोरावर बेंगळुरू एफसीने 2-0 अशी आघाडी घेतली होती.
2-0 ने पिछाडीवर असलेल्या मोहन बागानने जबरदस्त पुनरागमन केले. दिमित्री पेट्राटोस (68व्या मिनिटाला) आणि अनुरुद्ध थापा (84व्या मिनिटाला) यांनी गोल करत स्कोअर बरोबरीत आणला. खेळ संपण्याच्या पाच मिनिटे अगोदर थापाच्या गोलमुळे सामना पेनल्टीमध्ये जाणार हे निश्चित झाले. आता शनिवारी अंतिम फेरीत मोहन बागानचा सामना नॉर्थईस्ट युनायटेड एफसीशी होणार आहे.
