मी लक्ष्य निर्धारित केले आणि त्यानुसार जिवापाड मेहनत केली व लक्ष्य साध्य केले. कुठल्याही क्षेत्रात नाव कमावण्यासाठी धाडस आणि आत्मविश्वास असणे गरजेचे आहे. आत्मविश्वासपूर्वक प्रयत्न केल्यास यश निश्चित मिळेल, असे प्रतिपादन भारताची दुहेरची तज्ज्ञ बॅडमिंटनपटू ज्वाला गुट्टा हिने केले.
ज्वाला म्हणाली की, स्वच्छता हे जीवनाचे अविभाज्य अंग असून आपल्या जवळपासचे वातावरण स्वच्छ ठेवणे अतिशय गरजेचे आहे. या माध्यमातूनच आपण देशाला पुढे नेऊ शकतो. आपले स्वच्छ भारत अभियान अन्य देशांसाठी प्रेरणास्थान व्हावे, यापेक्षा अधिक आनंद कुठलाच राहणार नाही. अजूनही माझा बराच खेळ शिल्लक आहे. मी सध्या केवळ आपल्या खेळावर लक्ष केंद्रीत करू इच्छिते, असेही ती म्हणाली.
