उपांत्यपूर्व फेरीत चिनी तैपेईवर 228-226 असा संघर्षपूर्ण विजय मिळवला. केवळ सांघिकच नव्हे तर वैयक्तिक स्पर्धांमध्येही या तिन्ही तिरंदाजांनी चमकदार कामगिरी करत अव्वल आठमध्ये स्थान मिळवून उपांत्यपूर्व फेरीत धडक मारली. या तिन्ही तिरंदाजांचा हँगझोऊ आशियाई क्रीडा स्पर्धेच्या संघातही समावेश आहे. मात्र, कंपाऊंड पुरुष आणि मिश्र सांघिक तिरंदाजांनी निराशा केली. दोन्ही संघ उपांत्यपूर्व फेरीत पराभूत होऊन बाहेर पडले. ओजस देवतळे आणि ज्योती यांच्या मिश्र संघाचा उपांत्यपूर्व फेरीत USA कडून 154-153 असा पराभव झाला, तर अभिषेक वर्मा, ओजस, प्रथमेश जावकर यांच्या पुरुष संघाचा उपांत्यपूर्व फेरीत 230-235 असा पराभव झाला.
पंत प्रधान नरेंद्र मोदी यांनी अभिनंदन केले आहे. पीएम मोदींनी लिहिले, "भारतासाठी हा अभिमानाचा क्षण आहे, कारण बर्लिन येथे झालेल्या जागतिक तिरंदाजी स्पर्धेत आमच्या अपवादात्मक कंपाऊंड महिला संघाने भारताला पहिले सुवर्णपदक जिंकले. आमच्या चॅम्पियन्सचे अभिनंदन! त्यांच्या मेहनतीमुळे आणि समर्पणामुळे हा उत्कृष्ट निकाल लागला.
