महाराष्ट्रातील सिंधुदुर्ग येथील न्यायालयाने २०१७ च्या एका प्रकरणात भाजप मंत्री नितेश राणे आणि इतर ३० जणांची निर्दोष मुक्तता केली आहे. यामध्ये त्यांच्यावर सरकारी अधिकाऱ्यावर मासे फेकल्याचा तसेच शिवीगाळ आणि धमकी दिल्याचा आरोप होता.
न्यायालयाने काय म्हटले?
अतिरिक्त सत्र न्यायाधीश (सिंधुदुर्ग) यांच्या न्यायालयाने २१ मे रोजी निकाल दिला, ज्याची माहिती रविवारी उपलब्ध झाली. न्यायालयाने निकालात म्हटले आहे की वास्त यांनी त्यांच्या साक्षीत असे म्हटले नाही की राणे यांनी त्यांच्यावर मासा फेकला. न्यायालयाने म्हटले आहे की पुराव्यांनुसार, राणेंसोबत आलेल्या लोकांनी अधिकाऱ्यावर मासा फेकला.घटनेची व्हिडिओ क्लिप प्रसारित झाल्यानंतर राणे आणि इतरांना त्यावेळी अटक करण्यात आली होती. त्यांना त्याच दिवशी जामीन मंजूर करण्यात आला होता.
