मुंबई परिसरातील असलेल्या भिवंडीमधील ६ मुजोर रिक्षा चालकांच्या टोळक्याने केलेल्या मारहाणीत एसटी चालकाच्या मृत्यू झाला. त्याविरोधात महामंडळाच्या चालकांनी पुकारलेल्या आंदोलनाचे पडसाद राज्यभर उमटत आहेत. यामध्ये ठाणे, भिवंडी, नांदेड, कंधार, बिलोली, मुरबाड, हदगाव, तसंच कल्याणचे एसटी डेपो पूर्णपणे बंद ठेवण्यात आले होते.तर आज सकाळपासून मुंबई येथील मृत कर्मचारी प्रभाकर गायकवाडांना श्रध्दांजली वाहून मुंबई सेंट्रल, परळ डेपोमध्ये एसटी कर्मचा-यांचे धरणे आंदोलन सुरु केले असून दोन्ही आगरातील एसटी वाहतूक ठप्प झाली आहे.त्यामुळे आता मुंबईचे प्रवासी वाहतुकीवर परिणाम होणार आहे.
