मिळालेल्या माहितीनुसार विशेष सरकारी वकील संध्या एच. मात्रा यांनी न्यायालयाला सांगितले की, 5 जुलै 2019 रोजी पीडित मुलगी १३ वर्षांची होती आणि शाळेत जात असताना आरोपी मोईज हातिम रामपूरवाला तिच्या मागे लागला आणि तिला अयोग्यरित्या स्पर्श केला.आरोपीच्या कृत्याचा मुलीने निषेध केला. आवाज केला आणि छत्रीने त्याला मारण्याचा प्रयत्न केला. तेथून जाणाऱ्या एका महिलेने पीडितेला वाचवले, तर आरोपी घटनास्थळावरून पळून गेला. पीडित आणि महिलेने आरोपीचा त्याच्या घरापर्यंत पाठलाग केला आणि त्याला पकडले. पीडित मुलगी आणि महिलेने नंतर पोलिसांकडे धाव घेतली आणि आरोपीविरुद्ध तक्रार दाखल केली, ज्याच्या आधारे पोलिसांनी त्याला अटक केली.
तसेच न्यायालयाने आरोपीला 20,000 रुपयांचा दंडही ठोठावला. न्यायाधीशांच्या निर्देशानुसार, आरोपीकडून रक्कम वसूल झाल्यानंतर ती पीडितेला भरपाई म्हणून देण्यात यावी.
