राणे म्हणाले, "सिंधुदुर्ग जिल्हा बॅंकेच्या निवडणुकीनंतर मला एका प्रकरणात गोवण्यात आलं. यावेळी कोल्हापूरच्या शासकीय रुग्णालयात मला दाखल केलं होतं. त्यावेळी डॉक्टरांनी मला सिटी अँजिओग्राफी करण्याचा आग्रह केला. त्यावेळी माझं ब्लड प्रेशर लो होते ते मला कळत होतं. तरीही डॉक्टरांनी सिटी एन्जो करायला सांगितली.
"माझे ब्लडप्रेशर, शुगर लेव्हल लो दाखवत असतानाही रात्री पोलीस मला घेऊन जाण्यासाठी पाठवण्यात आले. पोलिसांना रात्री अडीच वाजता येऊन माझी अवस्था खराब असल्याचं पाहिल्यानंतर तेव्हा ते बाहेर गेले. तरीही वारंवार दबाव येत होता आणि मुंबई कलानगरच्या परिसरातून फोन येत होते. अशा प्रकारचे व्यवहार त्यावेळी सुरु होते. विरोधी पक्षातल्या नेत्यांना जीवंतच ठेवायचं नाही असा प्रकार राज्यात सुरु आहे," असे आरोप नितेश राणेंनी केले.
