मिळालेल्या माहितीनुसार ठाणे लाचलुचपत प्रतिबंधक पथकाने कल्याण तहसीलदार कार्यालयात ही कारवाई केली असून, जमीन खरेदी केल्यानंतर सातबारात नोंद करण्यासाठी लाच मागितली होती. संतोष पाटील असे लाच घेताना रंगेहात पकडलेल्या महसूल सहाय्यकाचे नाव आहे. संबंधित तक्रारदाराने कल्याण तालुक्यातील रायते गावात दहा गुंठे जमीन खरेदी केली आहे. तक्रारदार शेतकरी या जमिनीच्या 12 प्रती कायदेशीररीत्या आपल्या नावावर करून घेण्याचा प्रयत्न करत होता. संबंधित तक्रारदाराने फेरफार नोंदणीसाठी कायदेशीर प्रक्रिया पूर्ण करण्यासाठी आवश्यक ती सर्व कागदपत्रे व शासकीय कागदपत्रे कल्याण तहसील कार्यालयात सादर केली होती.
पण त्यानंतरही तहसीलदार कार्यालयात कार्यरत महसूल सहाय्यक संतोष पाटील याने सातबारावर नोंदणीचा प्रस्ताव पाठवण्यासाठी तक्रारदाराकडून 40 हजार रुपयांची लाच मागितली. त्यासाठी आवश्यक असलेली सर्व कायदेशीर प्रक्रिया पूर्ण करूनही पैशांची मागणी केली जात होती. त्यामुळे संतप्त झालेल्या शेतकऱ्याने लाचलुचपत प्रतिबंधक विभाग, ठाणे यांच्याकडे तक्रार केली. या तक्रारीची लाचलुचपत प्रतिबंधक विभागाच्या पथकाने पडताळणी केली असता संतोष पाटील पैशाची मागणी करत असल्याचे आढळून आले. तक्रारीनुसार, बुधवारी सायंकाळी लाचलुचपत प्रतिबंधक विभागाने कल्याण तहसील कार्यालयाच्या महसूल सहाय्यक कक्षाच्या मागे एका शेतकऱ्याकडून 40 हजार रुपयांची लाच घेताना संतोष पाटील याला रंगेहात पकडले. त्यानंतर एफआयआरही दाखल करण्यात आला आहे.
