कोरोनाव्हायरस संक्रमणाच्या पार्श्वभूमीवर छत्रपती शिवाजी महाराज यांची जयंती साधेपणाने साजरी करावी, अशी सूचना राज्य सरकारद्वारे देण्यात आली होती. त्यासाठी ठाकरे सरकारतर्फे नियामावली देखील जाहीर करण्यात आल्या असताना हा प्रकार घडला. दिलेल्या मार्गदर्शक सूचनांनुसार बाईक रॅली, प्रभात फेरी, पोवाडे वगैरे सांस्कृतिक कार्यक्रम आयोजित करायला बंदी घालण्यात आली होती.
जास्तीत जास्त 10 लोकांच्या उपस्थितीत मास्क, सॅनिटायजर आणि सोशल डिस्टन्सिंगचे नियम पाळूनच शिवजयंती साजरी करायला परवानगी होती. केवळ शिवनेरी किल्ल्यावर शिवजन्मसोहळ्यासाठी 100 जणांना उपस्थित राहण्याची परवानगी होती.
