मिळालेल्या माहितीनुसार गणेशभक्तांना घेऊन कोकणात जाणाऱ्या वाहनांना आणि राज्य परिवहन बसेसना यावेळी टोल कर भरावा लागणार नाही, अशी घोषणा सरकारने केली आहे. ही सूट २३ ऑगस्ट ते ८ सप्टेंबर पर्यंत लागू असेल. तसेच उपमुख्यमंत्री एकनाथ शिंदे यांनी गुरुवारी जाहीर केले की मुंबई-बंगळुरू राष्ट्रीय महामार्ग, मुंबई-गोवा राष्ट्रीय महामार्गाव्यतिरिक्त सार्वजनिक बांधकाम विभाग (पीडब्ल्यूडी) आणि महाराष्ट्र राज्य रस्ते विकास महामंडळ (एमएसआरडीसी) च्या रस्त्यांवर टोल माफी लागू असेल.
गणेशोत्सव टोल-मुक्त पास
यासाठी, सरकारकडून विशेष गणेशोत्सव २०२५ टोल-मुक्त पास जारी केला जाईल. या पासमध्ये वाहन क्रमांक आणि मालकाचे नाव नोंदवले जाईल. राज्य सरकारने सांगितले की हे पास आरटीओ कार्यालये आणि पोलिस विभागामार्फत वितरित केले जातील आणि परतीच्या प्रवासासाठी देखील वैध असतील. तसेच शहर आणि ग्रामीण पोलिस तसेच आरटीओला भाविकांना वेळेवर पास मिळतील आणि त्यांना कोणतीही अडचण येऊ नये याची काळजी घेण्याच्या सूचना देण्यात आल्या आहे.
