औरंगाबादमध्ये पत्नीने चाकूने भोसकून पतीची हत्या केली आहे. मध्य रात्रीच्या सुमारास औरंगाबाद शहरातील उल्कानगरी भागात हा प्रकार घडला आहे. शैलेश राजपूत असं हत्या झालेल्या पतीचं नाव आहे. रात्री घरात वाद झाल्याने पत्नीने रागात पतीची हत्या केली असल्याचा प्राथमिक अंदाज पोलिसांनी वर्तवला आहे. पत्नीने रागात चाकूने पतीवर वार केले. यात पतीचा जागीच मृत्यू झाला आहे. घरात असलेल्या 6 वर्षाच्या चिमुकलीने नातेवाईकांना यासंदर्भात माहिती दिल्यानंतर हा सगळा धक्कादायक प्रकार समोर आला आहे.
