नागपुरात अतिशय धक्कादायक घटना समोर आली आहे. येथे 15 वर्षीय विद्यार्थ्यांच अपहरण करुन त्याची निर्घुण हत्या करण्यात आली आहे. आणि त्याहून विचित्र प्रकार म्हणजे आरोपीने खंडणी म्हणून मृतक मुलाच्या काकाचं मुंडकं कापून त्याचा फोटो व्हॉट्सअप मेसेज वर पाठवण्याची मागणी केली आहे. मागणी मान्य न झाल्यानं अपहरणाच्या दोन तासांच्या आत मुलाची हत्या करण्यात आली आहे.
नागपूरच्या MIDC पोलीस ठाण्याच्या हद्दीतील इंदिरामाता नगरमध्ये ही धक्कादायक घटना घडली आहे. सूरज शाहू असं आरोपीचं नाव आहे. अपहरणकर्त्याने खंडणीकरता मुलाच्या काकाचे शीर मागितले होते. राज पांडेच्या पालकाकडे अशी मागणी फोनवर केली होती. यानंतर काकाच्या मुंडक्याचा फोटो व्हॉट्सअॅपवर पाठवा आणि मुलाला सोडवा अशी अजब मागणी आरोपीने केली होती. सध्या सूरज शाहू एमआयडीसी पोलिसांच्या ताब्यात आहे। पुढील तपास सुरु आहे.
