नाशिक जिल्ह्यातील चांदवडजवळ राहुड घाटात सोमवारी पहाटे साडेतीन वाजेच्या सुमारास झालेल्या अपघातात २ प्रवासी जागीत ठार झाले असून ६ प्रवाशी जखमी झाले आहेत. जखमींना उपचारासाठी चांदवड येथील ग्रामीण रुग्णालयात दाखल करण्यात आले आहे. पहाटे साडेतीन वाजेच्या सुमारास MH ०४, EH-४५६७ या क्रमांकाची इनोव्हा चांदवडकडून मालेगावकडे भरधाव वेगाने जात होता. त्याच्या पुढे एक टाटा कंपनीची छोटा हत्ती वाहन MH-१८, AA ५१७२ जात होते. इनोव्हाच्या चालकाने मागून या वाहनाला चांदवडच्या पुढे असणाऱ्या राहूड घाटातील पवार वस्तीजवळ धडक दिली. या वाहनात बसलेले प्रवाशी शातीशरण राजाराम वर्मा (४७), बबिता सुकलाल पाथरे (४५) यांना जबर मार लागल्याने त्यांचा जागीच मृत्यू झाला. तर इतर सहा जण गंभीर जखमी झाले. जखमींना चांदवडच्या ग्रामीण रुग्णालयात दाखल करण्यात आले आहे. याप्रकरणी छोटा हत्ती वाहन चालक दिनेश भगवान करंकाळ यांनी इनोव्हा वाहन चालक सचिन शिवाजी मलिकवर दोघांच्या मृत्यू आणि इतर सहा जण जखमी केल्याचा गुन्हा दाखल करण्यात आला आहे.
