नाशिकमध्ये फायरिंग प्रशिक्षण दरम्यान स्फोट, 2 जवानांचा मृत्यू
शुक्रवार, 11 ऑक्टोबर 2024 (18:04 IST)
नाशिक येथील तोफखाना केंद्रातील देवराळी कॅम्प येथे प्रशिक्षणादरम्यान तोफेतून निघालेला गोळा फुटल्याने दोन अग्निवीरांचा मृत्यू झालेला आहे. IFG इंडियन फील्ड गनमधून तोफखाना फायरिंग रेंजमध्ये गोळीबार सुरू असताना ही घटना घडली आहे.
मिळालेल्या माहितीनुसार फायरिंगच्या वेळी सेलच्या झालेल्या स्फोटामुळे त्याचे तुकडे अग्निवीर जवानांच्या शरीरात घुसले, त्यामुळे ते गंभीर जखमी झाले. त्यांना रुग्णालयात दाखल केले असता उपचारादरम्यान त्यांचा मृत्यू झाला.
याप्रकरणी देवळाली कॅम्प पोलिस स्टेशनमध्ये अकस्मात मृत्यूची नोंद करण्यात आली आहे. ज्या दोन अग्निशमन जवानांचा मृत्यू झाला याप्रकरणी पोलीस अधिक तपास करत आहे.
तसेच प्रशिक्षणादरम्यान शहीद झालेल्या दोन्ही जवानांचे मृतदेह त्यांच्या कुटुंबीयांच्या ताब्यात देण्याची तयारी सुरू आहे.
