भारतीय जनता पक्षाचे आमदार लक्ष्मण जगताप यांचे मंगळवारी सकाळी प्रदीर्घ आजाराने रुग्णालयात निधन झाले. चिंचवड विधानसभा मतदारसंघाचे आमदार लक्ष्मण जगताप हे अनेक दिवसांपासून आजारी होते. त्यांच्यावर खासगी रुग्णालयात उपचार सुरू होते. मंगळवारी सकाळी त्यांचा मृत्यू झाल्याचे त्यांच्या नातेवाईकांनी सांगितले. जगताप यांच्या निधनामुळे चिंचवड विधानसभा मतदारसंघातही शोककळा पसरली आहे.
