अजित पवार हे सत्तेत सहभागी होण्यापूर्वी दिल्ल्लीत वेश बदलून जायचे या वर सुप्रिया सुळे यांनी संसदेत यावर चौकशी करण्याची मागणी केली. या वक्तव्यामुळे राजकारण तापलं आहे. या वर अजित पवारांनी विरोधकांना आणि सुप्रिया सुळे यांना सडेतोड उत्तर देत म्हटले की माझ्यावर आरोप सिद्ध झाल्यास मी राजकारणातून संन्यास घेईन, मात्र आरोप सिद्ध न झाल्यास तुम्ही राजकारणातून संन्यास घ्यावे.
संजय राऊत यांच्या बद्दल बोलताना ते म्हणाले, त्याच्या बोलण्यात काहीच दम नाही. त्यांना पुरावा मिळाला का? कोणी म्हणतं मी मिश्या लावल्या होत्या, मास्क घातला होता, टोपी घातली होती. हे साफ खोटं आणि चुकीचं आहे. माझ्यावर केलेले हे आरोप सिद्ध झाले तर मी राजकारणातून संन्यास घेईन. नाही झालं तर त्यांनी संन्यास घ्यावा.
