सोलापूर- माझी विधानं विचारपूर्वक केलेली असतात, मी कधीही सहज बोलत नाही, असं राष्ट्रवादी काँग्रेसचे सर्वेसर्वा शरद पवार यांनी छत्रपती संभाजीराजेंबद्दल केलेल्या वक्तव्यांबाबत म्हटलं आहे.
छत्रपती शाहू महाराजांचे वंशज कोल्हापूरचे छत्रपती संभाजी यांची भाजपकडून राष्ट्रपती कोट्यातून राज्यसभेवर निवड झाली. यावर प्रतिक्रिया देताना त्यांनी, आधी छत्रपती पेशव्यांची नियुक्ती करायचे मात्र आता पेशवे छत्रपतींची नियुक्ती करतात, असं वक्तव्य केलं होतं. त्यानंतर मुख्यमंत्री देवेंद्र फडणवीस यांनी पवारांच्या वक्तव्यावर प्रतिक्रिया देताना म्हणाले होते की, मी फक्त छत्रपतींचा सेवक आहे.
