हडपसर परिसरातील हांडेवाडी येथील एका मैदानावर ही घटना घडली. रविवारी श्रीतेज हा सकाळी सात वाजण्याच्या सुमारास मित्रांसोबत क्रिकेट खेळण्यासाठी घराबाहेर पडला होता. त्यानंतर क्रिकेट खेळत असताना अचानक दम लागल्याने तो खाली कोसळला. त्यानंतर त्याला तातडीने नजीकच्या रुग्णालयात नेण्यात आले. मात्र डॉक्टरांनी त्याचा मृत्यू झाल्याचे घोषित केले. दरम्यान श्रीतेज च्या आकस्मिक निधनाची माहिती मिळतात परिसरात शोककळा पसरली. श्रीतेज हा हवेली पंचायत समितीचे माजी उपसभापती सचिन घुले आणि माजी सरपंच श्‍वेता घुले यांचा मुलगा होता. श्रीतेजला मोठा मित्र परिवार होता. त्याचा अचानक मृत्यू झाल्याने हळहळ व्यक्त केली जात आहे.
