यादरम्यान, वसंत मोरेंना शिवसेनेसह अनेक मोठ्या पक्षांकडून ऑफर येण्यास सुरुवात झाली. मात्र वसंत मोरे यांनी राज ठाकरेंना भेटल्याशिवाय कोणताही निर्णय घेणार नसल्याचे स्पष्ट केलं. आज त्यांनी राज ठाकरे यांची भेट घेतली. त्यानंतर माध्यमांशी बोलतांना ते म्हणाले की, तुम्हाला ठाण्यातील उद्या होणाऱ्या सभेत सगळ्या प्रश्नांची उत्तर मिळणार आहेत. साहेबांच्या भेटीवर मी १०० टक्के समाधानी आहे. मी पहिल्यापासून सांगत होतो की मी मनसेत राहणार आहे.
