मिळालेल्या माहितीनुसार एसटी महामंडळाने ई-वाहनांना प्रोत्साहन देण्याचे राज्य सरकारचे धोरण स्वीकारले आहे. याअंतर्गत दरवर्षी ५,००० नवीन बस खरेदी केल्या जातील, त्यापैकी किमान १,००० स्मार्ट ई-बस असतील. या सर्व बस एसटी महामंडळाच्या मालकीच्या असतील, अशी माहिती राज्याचे परिवहन मंत्री प्रताप सरनाईक यांनी दिली. उत्तर प्रदेश परिवहन महामंडळासाठी पुणे येथील एका कंपनीने तयार केलेल्या स्मार्ट ई-बसचे सरनाईक यांच्यासमोर प्रात्यक्षिक करण्यात आले. यानंतर त्यांनी सांगितले की या ई-बसमध्ये एआयवर आधारित एकात्मिक सुरक्षा व्यवस्था असावी.
