त्याने बाहुलीचा चेहरा कापडाने झाकून ठेवला, जसा कैदी फाशी देण्यापूर्वी आपला चेहरा झाकतो. बाहुली त्याला सोडून गेल्याचे समजल्यानंतर त्या मुलाने स्वतःच्या गळ्यात दोरी बांधून तिला मिठी मारली आणि गळफास घेतला. या घटनेत मुलाचा मृत्यू झाला. ही घटना पिंपरीतील थेरगाव परिसरातील आहे.
पोलिसांनी दिलेल्या माहितीनुसार, रविवारी दुपारी दोनच्या सुमारास हा मुलगा आपल्या बाहुलीसोबत खेळत होता. त्यावेळी त्याचा लहान भाऊ आणि बहीणही जवळच खेळत होते. त्यावेळी मुलाची आई कामात व्यस्त होती. तर, वडील कामानिमित्त बाहेर गेले होते.
