महिलेची हत्या, मृतदेहाचे 30 हून अधिक तुकडे फ्रिज मध्ये आढळले

बेंगळुरूच्या मल्लेश्वरम भागात एका महिलेच्या हत्येनंतर मृतदेहाचे 30 हून अधिक तुकडे करण्यात आले होते. माहिती मिळताच पोलिसांनी पोहोचून महिलेच्या घरातील फ्रीज उघडला असता मृतदेहाचे तुकडे पाहून त्यांना धक्काच बसला. पोलिसांनी या प्रकरणाचा तपास सुरू केला आहे.

पोलिसांनी दिलेल्या माहितीनुसार, मल्लेश्वरम भागात राहणारी ही महिला घरात नवऱ्यापासून विभक्त राहत असून मॉल मध्ये काम करायची. तिचा नवरा बेंगळुरू पासून दूर एका आश्रमात राहतो आणि काम करतो. 

महिलेचे घर अनेक दिवसांपासून बंद असून ती दिसली नाही. शेजारच्यांनी पोलिसांना माहिती दिल्यावर पोलिसांनी घटनास्थळी पोहोचून शोध लावला असता महिलेच्या मृतदेहाचे 30 हुन अधिक तुकडे फ्रिज मध्ये आढळले.

पोलिसांनी दिलेल्या माहितीनुसार, 29 वर्षीय महिलेची काही दिवसांपूर्वी हत्या झाली असावी. व्यालीकवल पोलिस स्टेशन हद्दीतील एका घरात एका महिलेचा मृतदेह तुकडे करून रेफ्रिजरेटरमध्ये ठेवण्यात आला होता. दिसण्यावरून असे दिसते की ते 4-5 दिवसांपूर्वी केले आहे. श्वानपथक आणि फॉरेन्सिक तज्ज्ञांनी घटनास्थळी भेट देऊन तपास सुरू केल्याचे त्यांनी सांगितले.तिच्या मृतदेहाचे तुकडे पोलिसांनी ताब्यात घेऊन शवविच्छेदनासाठी पाठविले आहे.

पोलीस अधिकाऱ्याने सांगितले की आम्ही मृत महिलेची ओळख पटवली आहे, ही महिला कर्नाटकात राहायची, पण मूळची दुसऱ्या राज्यातील आहे. महिलेच्या हत्येची माहिती मिळताच तिचा पतीही घटनास्थळी पोहोचला. ओळखीच्या माणसाने हा खून केल्याचा संशय पोलिसांना असून प्रकरणाचा पुढील तपास करत आहे. 

Edited By - Priya Dixit