Wall collapsed during Haldi ceremony 7 dead : मऊ येथील हळदी समारंभात भिंत कोसळल्याचा व्हिडिओ समोर आला आहे. शुक्रवार, 8 डिसेंबर रोजी झालेल्या या अपघातात 5 महिला आणि 2 लहान मुलांसह सात जणांचा मृत्यू झाला. दरम्यान, 19 जण जखमी झाले आहेत. लग्नात हळदी समारंभासाठी महिला बाहेर पडल्या असताना दुपारी 3.30 वाजता हा अपघात झाला.
मिळालेल्या माहितीनुसार, अनेक लोक ढिगाऱ्याखाली दबले गेले. सर्वांना बाहेर काढण्यात आले आहे. घटनास्थळी डीएम आणि एसपीसह पोलिस आणि प्रशासनाचे लोक मोठ्या संख्येने उपस्थित आहेत... जेसीबीच्या सहाय्याने ढिगारा हटवला जात आहे. घोसी कोतवाली भागातील मादापूर समसपूर येथे अस्करी मेमोरियल स्कूलजवळ भिंत बांधण्यात आल्याचे स्थानिकांचे म्हणणे आहे.
भिंत कोसळून एका मुलासह 6 जणांचा मृत्यू
याबाबत जिल्हा अधिकारी अरुण कुमार म्हणाले की, ही नगर पंचायत घोसीची घटना आहे. गावातील काही महिला जुन्या भिंतीखाली हळदी समारंभ करत होत्या. अचानक भिंत कोसळून त्यांच्यावर पडली. ज्यात अनेक लोक त्याखाली गाडले गेले. तेथून तातडीने ढिगारा हटवण्यासाठी जेसीबी मागवण्यात आला. या घटनेत चार महिला आणि एका बालकाचा मृत्यू झाला आहे.
