कोलकता: ज्येष्ठ कम्युनिस्ट नेते आणि माजी लोकसभा अध्यक्ष सोमनाथ चॅटर्जी यांचे सोमवारी सकाळी निधन झाले. ते ८९ वर्षांचे होते. चॅटर्जी हे गेल्या काही दिवसांपासून मुत्रपिंडाच्या आजाराने त्रस्त होते. काही दिवसांपूर्वीच त्यांना उपचारासांठी रुग्णालयात दाखल करण्यात आले होते. रविवारी सकाळी त्यांना हॉर्टअटॅक आल्यामुळे स्थिती गंभीर झाली होती. सोमवारी सकाळी त्यांनी शेवटला श्वास सोडला.
