पोलीस सूत्रांनी सांगितले की, क्षमतेपेक्षा जास्त लोकांना घेऊन जाणारी व्हॅन रेंटचिंतला येथील पॉवर स्टेशनजवळ रस्त्याच्या कडेला उभ्या असलेल्या लॉरीला धडकली. या अपघातात सहा जणांचा जागीच मृत्यू झाला. तर आणखी एका व्यक्तीचा रुग्णालयात उपचारादरम्यान मृत्यू झाला.
या छोट्या व्हॅनमध्ये किमान 38 लोक होते, जे तीर्थयात्रा करून श्रीशैलमला परतत होते, असे पोलिसांनी सांगितले.
एका पोलीस अधिकाऱ्याने फोनवर सांगितले, “आम्ही अपघाताचे कारण शोधण्याचा प्रयत्न करत आहोत. आतापर्यंत सात जणांचा मृत्यू झाला असून अनेक जण जखमी झाले आहेत. काही जण गंभीर जखमी झाले असून त्यांना अधिक उपचारासाठी गुंटूर येथील शासकीय रुग्णालयात दाखल करण्यात आले आहे.
