अनेकदा वादात राहणारे काँग्रेसचे ज्येष्ठ नेते सॅम पित्रोदा पुन्हा एकदा चर्चेत आले आहेत. वास्तविक, काँग्रेस पक्षाने पुन्हा एकदा सॅम पित्रोदा यांना इंडियन ओव्हरसीज काँग्रेसचे अध्यक्ष बनवले आहे.पित्रोदा यांची तत्काळ प्रभावाने नियुक्ती करण्यात आली आहे. गेल्या लोकसभा निवडणुकीदरम्यान सॅम पित्रोदा यांच्या वादग्रस्त विधानांवरून बराच गदारोळ झाला होता. यानंतर त्यांनी आपल्या पदाचा राजीनामा दिला. मात्र, निवडणुकीचा निकाल येऊन अवघ्या काही दिवसांतच सॅम पित्रोदा पुन्हा एकदा आपल्या पदावर परतले आहेत.
सॅम पित्रोदा यांनी दिलेल्या वादग्रस्त वक्तव्यापासून काँग्रेसने स्वतःला दूर केले होते. काँग्रेस नेते जयराम रमेश म्हणाले की, सॅम पित्रोदा यांनी भारताच्या विविधतेला दिलेली उपमा पूर्णपणे चुकीची, दुर्दैवी आणि अस्वीकार्य आहे. ते म्हणाले होते की काँग्रेस या उपमांपासून पूर्णपणे अलिप्त आहे आणि त्यांचे खंडन करते.
सॅम पित्रोदा यांनी भारतातील वारशाने मिळालेल्या मालमत्तेवर कर लावण्याचे समर्थन केले होते. अमेरिकेत असा कायदा असल्याचे ते म्हणाले होते. सॅम म्हणाले होते की, अमेरिकेत कोणीही व्यक्ती त्याच्या 45 टक्के संपत्ती आपल्या मुलांना हस्तांतरित करू शकतो. सरकार 55 टक्के हिस्सा घेते.भारतात असा कायदा नाही, पण इथेही असा नियम व्हायला हवा, असे ते म्हणाले.
