Sai Baba Idol Controversy: साईबाबांच्या मूर्तीवरून पुन्हा एकदा मोठा वाद निर्माण झाला आहे. उत्तर प्रदेशातील वाराणसी येथून शिर्डीतील साईबाबांच्या मूर्ती हटवल्या जात आहेत. वृत्तानुसार, आतापर्यंत 14 मंदिरांमधून साईबाबांच्या मूर्ती हटवण्यात आल्या आहेत. वाराणसीतील प्रसिद्ध श्री बडा गणेश मंदिरातूनही साईंची मूर्ती हटवण्यात आली आहे.
साईबाबांच्या मूर्ती का हटवले जात आहेत?
साईबाबा मुस्लिम समाजातील असल्याचा आरोप हिंदू संघटना करतात. साई बाबांचा सनातन धर्माशी संबंध नाही. आम्ही साईबाबांच्या पूजेच्या विरोधात नाही, पण मंदिरात त्यांची मूर्ती बसू देणार नाही, असे हिंदू संघटनांचे म्हणणे आहे. त्यामुळे मंदिर व्यवस्थापनाच्या परवानगीनेच मूर्ती काढण्यात येत आहे. सनातन रक्षक दलाचे अजय शर्मा यांच्या नेतृत्वाखाली हे अभियान चालवले जात आहे.
मंदिरांमध्ये फक्त सूर्य, विष्णू, शिव, शक्ती आणि गणपती या पाच देवांच्या मूर्तीच बसवता येतात. साईबाबा मुस्लिम असल्याने त्यांचा सनातन धर्माशी काहीही संबंध नाही, असे संघटनेच्या वतीने सांगण्यात येत आहे.
