Purvanchal Expressway Accident: पूर्वांचल एक्सप्रेसवेवर भीषण अपघात, दोन बसच्या धडकेत आठ ठार, 12 जखमी

उत्तर प्रदेशातील बाराबंकी जिल्ह्यात एक भीषण दुर्घटना घडली आहे. या अपघातात आठ प्रवाशांचा मृत्यू झाला आहे. तर 12 हून अधिक जण जखमी झाले आहेत. जखमींना रुग्णालयात दाखल करण्यात आले आहे. पोलिसांनी घटनास्थळी पोहोचून नुकसान झालेली वाहने महामार्गावरून बाजूला करून वाहतूक सुरळीत केली

मिळालेल्या माहितीनुसार, बिहारमधील दरभंगा येथील लोखा शहरातून एक डबलडेकर बस सुमारे 50 प्रवाशांना घेऊन दिल्लीला जात होती. बाराबंकीच्या हैदरगडमध्ये पूर्वांचल एक्सप्रेसवेवर डबलडेकर बस 24 किमीवर पोहोचताच ती थांबली. यादरम्यान मागून भरधाव वेगात आलेल्या दुसऱ्या बसने जोराची धडक दिली. या अपघातात दोन्ही बसमधील प्रवासी जखमी झाले.जखमींना रुग्णवाहिकेने सीएचसी हैदरगड येथे नेण्यात आले. तेथे डॉक्टरांनी एक महिला आणि एका किशोरसह आठ जणांना मृत घोषित केले. 

विशाल (8), मदन, श्याम, त्याचा मुलगा शिवम (8), मुझफ्फरपूर पोलीस स्टेशन कटरा सरिता (50), सीतामढी येथील कौशल श्रवण, अर्जुन पासवान यांच्यासह डझनहून अधिक मुले, महिला आणि पुरुष जखमी झाले आहेत. अनेक जखमींची प्रकृती चिंताजनक आहे. बसला धडक देणाऱ्या बसचा चालक आणि वाहक पळून गेले. अपघातात मृतांचा आकडा वाढण्याची शक्यात आहे.

उत्तर प्रदेशचे मुख्यमंत्री योगी आदित्यनाथ यांनी बाराबंकीच्या लोनी कटरा भागात झालेल्या रस्ते अपघातात लोकांच्या मृत्यूबद्दल शोक व्यक्त केला आहे. मुख्यमंत्र्यांनी ट्विट करून लिहिले की, पूर्वांचल एक्स्प्रेस वेवर झालेल्या रस्ते अपघातात झालेली जीवितहानी अत्यंत दुःखद आहे. तातडीने मदत आणि बचाव कार्य आणि जखमींवर योग्य उपचार करण्याच्या सूचना संबंधित अधिकाऱ्यांना देण्यात आल्या आहेत.