India Pakistan War: भारत आणि पाकिस्तानमधील लष्करी संघर्षादरम्यान, पाकिस्तानी सैन्याने जम्मूमधील प्रसिद्ध शंभू मंदिराला लक्ष्य केले. हिमाचल प्रदेशातील उना जिल्ह्यातील चिंतापूर्णी मंदिराजवळील एका गावात क्षेपणास्त्राच्या भागांसारखी दिसणारी एक संशयास्पद धातूची वस्तू आढळली आहे.
मिळालेल्या माहितीनुसार १० मे २०२५ रोजी जम्मूमधील प्रसिद्ध शंभू मंदिर आणि निवासी क्षेत्रांसारख्या प्रार्थनास्थळांना लक्ष्य करून पाकिस्तानने आपला शत्रुत्वाचा मार्ग सुरू ठेवला. रात्रीच्या वेळी अनेक सशस्त्र ड्रोन उडवले गेले आहे, ज्यामुळे नागरिक आणि धार्मिक स्थळांना धोका निर्माण झाला आहे. भारतीय सशस्त्र दल देशाच्या सार्वभौमत्वाचे रक्षण करण्यासाठी सतर्क आणि वचनबद्ध आहे. त्याच वेळी, शुक्रवारी रात्री १.३० वाजता उना जिल्ह्यातील चिंतापूर्णी मंदिरापासून सुमारे १० किमी अंतरावर असलेल्या बेहाड गावात स्फोटाचा आवाज ऐकू आला, तर परिसरात पूर्णपणे वीज गेली. पंजाबला लागून असलेल्या या गावात जीवित किंवा मालमत्तेचे नुकसान झाल्याची कोणतीही माहिती नाही. अधिकाऱ्यांच्या म्हणण्यानुसार, शनिवारी सकाळी स्थानिकांनी ही वस्तू पाहिली आणि पोलिसांना कळवले. या घटनेला दुजोरा देताना जिल्हा प्रशासनाने एका निवेदनात म्हटले आहे की, प्राथमिक तपासणीत ही वस्तू निष्क्रिय असल्याचे समोर आले आहे परंतु तज्ञांचे एक पथक त्याची चौकशी करत आहे.
