नोकियाचा ५२३३ क्रमांकाचा मोबाइल एका १९ वर्षीय मुलीने चार्जिंगला लावला. मोबाइल चार्जिंगला लावताच या फोनचा स्फोट झाला. या स्फोटात या तरूणीचा मृत्यू झाला. उमा ओरम असे या मुलीचे नाव होते. ओदिशामध्ये ही घटना घडली आहे. फोन चार्जिंगला लावला त्यावेळी ही मुलगी फोनवर आपल्या नातेवाईकांशी बोलत होती. मोबाइल फोनचा स्फोट झाल्याने या मुलीचा चेहेरा छिन्नविछिन्न झाला, तसेच तिचा पायही जखमी झाला. या मुलीला तातडीने रूग्णालयात दाखल करण्यात आले. मात्र उपचारादरम्यान तिचा मृत्यू झाला. ओदिशातील खेरियाकानी भागात ही धक्कादायक घटना घडली.
