Nanda Devi Ship Reached India :अमेरिका-इस्रायल-इराण संघर्षाच्या पार्श्वभूमीवर, एलपीजीने भरलेले आणखी एक जहाज मंगळवारी सकाळी होर्मुझची सामुद्रधुनी ओलांडून भारतात दाखल झाले. यापूर्वी सोमवारी, शिवालिक नावाचे जहाजही एलपीजी घेऊन भारतात दाखल झाले होते. दोन्ही टँकरमध्ये ९२,७१२ टन एलपीजी आहे. एलपीजीने भरलेल्या या टँकरच्या आगमनाने भारताने सुटकेचा निःश्वास सोडला आहे.
एलपीजी टँकर 'नंदा देवी' गुजरातच्या कांडला बंदरात दाखल झाला आहे. आज, 'जग लाडली' नावाचे आणखी एक जहाज संयुक्त अरब अमिरातीमधून ८१,००० टन कच्चे तेल घेऊन भारतात येत आहे. 'शिवालिक'प्रमाणेच हे जहाजही मुंद्रा बंदरात नांगर टाकेल.
होर्मुझची सामुद्रधुनी हा जगातील सर्वात महत्त्वाच्या सागरी मार्गांपैकी एक असून, येथून जागतिक तेल आणि वायू निर्यातीपैकी अंदाजे २० टक्के निर्यात होते. इराणने तेथील तेल पुरवठ्यात गंभीर व्यत्यय आणला आहे. भारतासह केवळ काही मोजक्याच देशांना या सामुद्रधुनीतून तेल वाहतूक करण्याची परवानगी आहे.
