संजय रॉय याला सियालदह न्यायालयाने 18 जानेवारी रोजी महिला प्रशिक्षणार्थी डॉक्टरवर बलात्कार आणि हत्या केल्याप्रकरणी दोषी ठरवले होते.बीएनएसच्या कलम 64, 66 आणि 103(1) अंतर्गत संजय रॉय यांना दोषी ठरवण्यात आले.
या प्रकरणाची सुनावणी 12 नोव्हेंबरपासून बंद खोलीत सुरू झाली. एकूण 50 साक्षीदार तपासण्यात आले आणि 9 जानेवारी रोजी सुनावणी पूर्ण झाली. या प्रकरणातील मुख्य आरोपी संजय रॉय होता. 9 ऑगस्टला घडलेल्या घटनेनंतर पोलिसांनी 10 ऑगस्टला संजय रॉयला अटक केली होती. पीडितेच्या शरीराजवळ सापडलेल्या ब्लूटूथ इअरफोनमुळे पोलिसांनी संजय रॉयला अटक केली.हे प्रकरण देशभरात खूप गाजले.
न्यायालयाने 18 जानेवारी रोजी संजय रॉयला दोषी ठरवले तेव्हा संजय रॉय यांनी आपण निर्दोष असल्याचे सांगितले.पश्चिम बंगाल पोलिसांमध्ये स्वयंसेवक म्हणून काम करणाऱ्या संजय रॉय यांनी सांगितले की, डॉक्टरच्या बलात्कार आणि हत्येच्या प्रकरणात त्यांना खोटे गोवण्यात आले आहे. ज्या रुग्णालयाच्या सेमिनार हॉलजवळ डॉक्टरची हत्या करण्यात आली होती त्या सीसीटीव्ही कॅमेऱ्यात संजय रॉय फिरताना दिसत होते. या वरुन संजय रॉय दोषी आढळले . आता आरोपी संजय रॉयला जन्मठेपेची शिक्षा सुनावण्यात आली आहे.
