जम्मू-काश्मीरः पुंछमध्ये कार 300 फूट खोल दरीत पडली; लग्न समारंभातून परतणाऱ्या 9 जणांचा मृत्यू, 4 जखमी

जम्मू-काश्मीरमधील पुंछ जिल्ह्यात एक प्रवासी वाहन खोल दरीत कोसळून नऊ जण ठार तर चार जखमी झाले. हे सर्वजण एका लग्न समारंभातून परतत होते. गुरुवारी संध्याकाळी सुरनकोटच्या तारारवली बुफलियाज भागात वाहन ३०० फूट खोल दरीत कोसळले, अशी माहिती पोलिसांनी दिली. पोलिसांनी सांगितले की, वाहन मुर्राह गावातून येत होते आणि ते सुरनकोटच्या दिशेने जात होते. चालकाचे नियंत्रण सुटले."
स्थानिक लोकांच्या मदतीने पोलीस आणि लष्कराने तातडीने बचावकार्य सुरू केले आणि जखमींना रुग्णालयात दाखल केले. पोलिसांनी सांगितले की, सहा जणांचा जागीच मृत्यू झाला, तर इतर तिघांचा रुग्णालयात जात असताना मृत्यू झाला.
लेफ्टनंट गव्हर्नर सिन्हा यांनी या दुर्घटनेबद्दल शोक व्यक्त केला.
जम्मू-काश्मीरचे केंद्रशासित प्रदेशाचे लेफ्टनंट गव्हर्नर मनोज सिन्हा म्हणाले, "पुंछमध्ये झालेल्या एका भीषण रस्ता अपघातात झालेल्या जीवितहानीमुळे अत्यंत दु:ख झाले आहे. शोकाकुल कुटुंबियांप्रती माझ्या मनापासून संवेदना आणि जखमींना लवकरात लवकर बरे व्हावे. जखमींवर शक्य ते सर्व उपचार करण्याचे निर्देश जिल्हा प्रशासनाला दिले.