केंद्रीय आरोग्य मंत्री मनसुख मांडविया (Mansukh Mandaviya यांनी शुक्रवारी सांगितले की त्यांनी कोविड -19 लस कॉर्बेवॅक्सबाबत बायोलॉजिकल-ईच्या व्यवस्थापकीय संचालक महिमा डाल्टा यांच्यासोबत बैठक घेतली. गुरुवारी केंद्रीय मंत्र्यांनी डॉ.रेड्डी लॅबोरेटरीजचे अध्यक्ष सतीश रेड्डी यांच्याशी स्पुतनिक व्ही लसीचे उत्पादन आणि पुरवठा याबाबत बैठक घेतली होती.
मांडवीया यांनी एका ट्विटमध्ये म्हटले आहे की, ‘‘बायोलॉजिकल-ईच्या व्यवस्थापकीय संचालक महिमा डाल्टा यांच्याशी भेट झाली. त्यांनी कॉर्बेव्हॅक्स लसीच्या प्रगतीची माहिती दिली. मी त्यांना लसीसाठी सरकारकडून सर्व मदत करण्याचे आश्वासन दिले. ’’
ऑगस्ट-सप्टेंबरमध्ये लस तयार केली जाईल
आरोग्य मंत्रालयाने एका निवेदनात म्हटले आहे की, “लसीचे हे डोस ऑगस्ट-डिसेंबर 2021 पर्यंत बायोलॉजिकल-ई द्वारे बनवले जातील आणि ते पुरवठ्यासाठी साठवले जातील. यासाठी केंद्रीय आरोग्य मंत्रालय कंपनीला 1500 कोटी रुपयांची आगाऊ रक्कम देखील देईल.
केंद्रीय आरोग्यमंत्र्यांनी आज शुक्रवारी सीरम इन्स्टिट्यूट ऑफ इंडियाचे सीईओ अदार पूनावाला यांची भेट घेतली. देशात कोरोना विषाणूच्या संभाव्य तिसऱ्या लाटेच्या दरम्यान दोन लोकांमधील बैठक अत्यंत महत्वाची मानली जात आहे. बैठकीनंतर आदर पूनावाला म्हणाले की, या बैठकीत कोविशील्डचे उत्पादन वाढवण्यावर चर्चा झाली.
