हिंदुजा कुटुंब हे ब्रिटनमधील सर्वात श्रीमंत कुटुंब आहे. मात्र, आजकाल हिंदुजा कुटुंब चुकीच्या कारणांमुळे चर्चेत आहे. वास्तविक, कुटुंबातील चार सदस्यांवर घरातील नोकरांचे शोषण केल्याचा आरोप होता. मात्र, आता हिंदुजा कुटुंबीयांच्या प्रवक्त्याने दावा केला आहे की, शनिवारी स्वित्झर्लंडच्या सर्वोच्च न्यायालयाने कुटुंबीयांना सर्व आरोपातून निर्दोष मुक्त केले असून, कुटुंबीयांना दिलासा दिला आहे. 21 जून रोजी कनिष्ठ न्यायालयाने हिंदुजा कुटुंबातील चार जणांना नोकरांचे शोषण केल्याप्रकरणी तुरुंगवासाची शिक्षा सुनावली होती.
हिंदुजा कुटुंबातील चार जणांना स्विस न्यायालयाने साडेचार वर्षांची शिक्षा सुनावली होती . शिक्षा झालेल्यांमध्ये प्रकाश हिंदुजा आणि त्यांची पत्नी कमल आणि मुलगा अजय तसेच त्यांची सून नम्रता यांचा समावेश आहे. मात्र, त्याला ताब्यात घेण्यात आले नाही. यानंतर कुटुंबीयांनी या निर्णयाला सर्वोच्च न्यायालयात आव्हान दिले.
आता हिंदुजा कुटुंबीयांच्या प्रवक्त्याने दावा केला आहे की, तक्रारकर्त्यांची दिशाभूल केल्याचा दावा करत सर्वोच्च न्यायालयाने सर्व गंभीर आरोप फेटाळून लावले आहेत. प्रवक्त्याने दिलेल्या माहितीनुसार, तक्रारदारांनी सर्व आरोप मागे घेतले आहेत. न्यायालयात साक्ष देताना, तक्रारदारांनी सांगितले की, अशा विधानांवर स्वाक्षरी करून त्यांची दिशाभूल करण्यात आली आहे.
प्रवक्त्याने सांगितले की, हिंदुजा कुटुंबातील चार सदस्यांवर लावण्यात आलेला सर्वात गंभीर आरोप, मानवी तस्करी, सर्वोच्च न्यायालयाने पूर्णपणे फेटाळला आहे. आता या प्रकरणात एकही तक्रारदार उरलेला नाही. तक्रारदारांनी न्यायालयाला सांगितले की, त्यांना समजत नसलेल्या निवेदनांवर स्वाक्षरी करून त्यांची दिशाभूल करण्यात आली आहे.हिंदुजा कुटुंब नेहमीच एका कुटुंबासारखे वागत असल्याचेही या लोकांनी सांगितले.
प्रवक्त्याने सांगितले की, हिंदुजा कुटुंबातील चार सदस्यांना कोणत्याही प्रकारे शिक्षा झालेली नाही किंवा त्यांना दोषी ठरवण्यात आलेले नाही. तसेच या लोकांना तुरुंगातही पाठवलेले नाही. सदस्यांवरील मानवी तस्करीचे आरोप फेटाळण्यात आले आहेत.
