भारतीय लष्कराचे चित्ता हेलिकॉप्टर आज अपघाताचे बळी ठरले आहे. वृत्तानुसार, अरुणाचल प्रदेशातील तवांग भागात ते कोसळले आहे. या अपघातात एका पायलटचा मृत्यू झाल्याची माहिती लष्कराच्या अधिकाऱ्याने दिली. मात्र हा अपघात नेमका कशामुळे झाला हे अद्याप स्पष्ट झालेले नाही. मृत वैमानिकाचा तपशील अद्याप समोर आलेला नाही.
ते म्हणाले की, हेलिकॉप्टरमध्ये दोन पायलट होते, त्यांना तातडीने जवळच्या लष्करी रुग्णालयात नेण्यात आले. तेथे उपचारादरम्यान एका वैमानिकाचा मृत्यू झाला, तर दुसऱ्या पायलटवर उपचार सुरू आहेत. कर्नल वालिया म्हणाले की, अपघाताचे कारण लगेच कळू शकले नाही.
