महामंडलेश्वर स्वामी भास्करानंद यांनी सांगितले की, महामंडलेश्वर स्वामी गरवा गिरी आणि अन्य तीन पंच दशनाम जुना आखाड्यातील साधूंसह विजापूर ते पंढरपूर यात्रेला जात होते. अशा स्थितीत त्या संतांना बळजबरीने थांबवून मारहाण करण्यात आली. या घटनेमुळे संत समाजात संताप व्यक्त होत आहे.
'संतांना मारहाण करण्यामागे षडयंत्र'
स्वामी रामनरेती म्हणाले की, महाराष्ट्रात काही काळापासून संतांशी ज्या प्रकारची वागणूक पाहायला मिळत आहे, ती सर्वांसाठीच चिंतेची बाब आहे. संतांना झालेली मारहाण ही एका मोठ्या कारस्थानाचा परिणाम असल्याचे दिसून येत आहे. आचार्य बद्रीश आणि महंत मोहिनी बिहारी शरण म्हणाले की, संतांना मारहाणीची घटना पालघरच्या धर्तीवर घडली आहे. पोलिस वेळेवर पोहोचले नसते तर या संतांना जीव गमवावा लागला असता.
संघाचे राष्ट्रीय अध्यक्ष सौरभ गौर यांनी व्हिडिओ कॉन्फरन्सिंगद्वारे सांगितले की, धर्मरक्षक संघ संतांवर झालेल्या रानटी अत्याचाराचा तीव्र निषेध करतो. या सर्व गुन्हेगारांना लवकरात लवकर अटक करून त्यांच्यावर कडक कारवाई करावी, अशी मागणी महाराष्ट्र शासनाकडे करण्यात आली आहे.
