मिळालेल्या माहितीनुसार उत्तर प्रदेशातील झाशी येथील कानपूर हायवेवर दिल्लीला टोमॅटो घेऊन जाणारा ट्रक एका महिलेला धडकून पलटी झाला. त्यामुळे ट्रकमध्ये भरलेले टोमॅटो रस्त्यावर पसरले. बाजारात 100 रुपये किलोने विकले जाणारे टोमॅटो लुटण्याआधीच सिपरी बाजार पोलीस स्टेशनचे पोलीस घटनास्थळी दाखल झाले. ट्रकभोवती नाकाबंदी करण्यात आली. त्यामुळे आजूबाजूच्या लोकांना टोमॅटो लुटता आला नाही. पोलिसांनी रात्री उशिरापासून पहाटेपर्यंत टोमॅटोचा पहारा ठेवला होता. टोमॅटोचे रक्षण करणाऱ्या पोलिसांचा व्हिडिओ सोशल मीडियावर खूप चर्चेत आला आहे.
