Karnataka News : कर्नाटकातील गुलपुरा जवळ यालापुरा महामार्गावर एक भीषण रस्ता अपघात झाला. भाज्यांनी भरलेला ट्रक अनियंत्रित झाला आणि ट्रिपरला धडकला. ज्यामध्ये ट्रकवरील दहा जणांचा मृत्यू झाला आणि सुमारे पंधरा जण गंभीर जखमी झालायची माहिती समोर आली आहे.
पोलिसांनी दिलेल्या माहितीनुसार, आज पहाटे हा अपघात झाला. ट्रक ट्रिपरला धडकल्याने ट्रकचे तुकडे झाले. तसेच या ट्रकमधील सर्व भाज्या सावनूरहून कामता मार्केटमध्ये भाज्या विकण्यासाठी जात होत्या.उत्तर कन्नड जिल्ह्यातील कारवारचे एसपी यांनी सांगितले की, ट्रक चालकाने समोरून येणाऱ्या वाहनाला रस्ता देण्याचा प्रयत्न केला तेव्हा हा अपघात झाला. यामुळे ट्रक अनियंत्रित झाला आणि 50 मीटर खोल दरीत पडला. सावनूर-हुबळी रस्त्यालगत असलेल्या जंगलात हा अपघात झाला. एसपी म्हणाले की, हा अपघात पहाटे झाला. भाजीपाला भरलेल्या ट्रकचा चालक दुसऱ्या वाहनाला रस्ता देण्यासाठी रस्त्यापासून डावीकडे वळला आणि खोल दरीत पडला. स्थानिक नागरिकांकडून माहिती मिळताच पोलिसांनी घटनास्थळी धाव घेतली आणि जखमींना तातडीने रुग्णालयात नेले.
एसपींनी असेही सांगितले की, 10 जणांचा जागीच मृत्यू झाला आणि 15 जण गंभीर जखमी झाले. जखमींना तातडीने उपचारासाठी हुबळी येथील रुग्णालयात दाखल करण्यात आले.
