पश्चिम बंगालमधील वर्धमान जिल्ह्यातून एक धक्कादायक घटना समोर आली आहे. येथील एका व्यक्तीच्या शस्त्रक्रियेदरम्यान त्याच्या पोटातून 250 खिळे, 35 नाणी आणि स्टोन चिप्स सापडल्याने डॉक्टरही चक्रावून गेले. रिपोर्ट्सनुसार एक मतिमंद व्यक्ती गेल्या पंधरा वर्षांपासून ही खिळे खात होती. डॉक्टरांनी शस्त्रक्रिया करून ही खिळे काढली आहेत.
ही बाब वर्धमान मेडिकल कॉलेज आणि हॉस्पिटलची असल्याचे सांगितले जात आहे. मतिमंद व्यक्तीच्या पोटातून 250 खिळे आणि 35 नाणी जप्त करण्यात आली आहेत. सध्या या व्यक्तीची प्रकृती स्थिर असल्याचे सांगण्यात येत आहे. रुग्णालयातील सूत्रांनी दिलेल्या माहितीनुसार शेख मोईनुद्दीन असे या व्यक्तीचे नाव आहे. तो मंगलकोट भागातील रहिवासी आहे.
