यासंदर्भात सोलापूर रेल्वे सुरक्षा बलाच्या अधिकृत सूत्रांनी दिलेल्या माहितनुसार मुंबईच्या सांताक्रूझ पोलीस ठाण्याच्या हद्दीतून एक वर्षाच्या मुलीचे अपहरण करून दोन महिला हैदराबादला गेल्या आणि तेथून पुन्हा मुंबईला हुसेन सागर एक्स्प्रेसने येत असल्याची माहिती मुंबईच्या बांद्रे गुन्हे शाखेने सोलापूर रेल्वे सुरक्षा बलाला कळविली होती. दोन्ही महिला अपहृत बाळाची विक्री करण्याच्या हेतूने हैदराबादला गेल्या होत्या. परंतु व्यवहार फिसकटल्यामुळे दोन्ही महिला अपहृत बाळाला सोबत घेऊन पुन्हा मुंबईकडे येत असल्याचे कळविले होते.
