“मी जिवंत आहे आणि माझ्यावर ग्लोबल रुग्णालयात उपचार सुरु आहेत. मी डाळ-खिचडीही खाल्ली.अशी बातमी छापणे दुर्दैवी आहे.बातमी देण्यापूर्वी ती बातमी खरी की खोटी याबाबत एकदा शहनिशा करा”,असं महापौर किशोरी पेडणेकर यांनी लिहीलं आहे.
मुंबईच्या महापौर किशोरी पेडणेकर यांची प्रकृती बिघडल्याची माहिती समोर आली.महापौर कार्यालयाने याबाबतचं वृत्त दिलं आहे. त्यांना छातीत त्रास होत होता.त्यानंतर सकाळी त्रास अधिक वाढल्यानं त्यांना तातडीने रुग्णालयात दाखल करण्यात आलं आहे. मुंबईतील ग्लोबल रुग्णालयात महापौरांना दाखल करण्यात आल्याची माहिती कार्यालयाच्या वतीने देण्यात आली आहे. दरम्यान, किशोरी पेडणेकर यांना रुग्णालयात दाखल करताच तातडीने विविध चाचण्या करण्यात आल्या. डॉक्टरांचं एक पथक त्यांच्यावर उपचार करत आहे. त्यांची प्रकृती स्थिर असल्याचं वैद्यकीय सूत्रांनी सांगितलं.
