कोचिंग सेंटरमध्ये 16 वर्षीय विद्यार्थ्यांनीसोबत घाणेरडे कृत्य, शिक्षकावर पॉक्सो कायद्यांतर्गत गुन्हा दाखल; अटक

मुंबईत एक लाजिरवाणी घटना समोर आली आहे. येथील कोचिंग क्लासच्या आवारात 16 वर्षीय विद्यार्थिनीचा विनयभंग केल्याप्रकरणी एका शिक्षकाला अटक करण्यात आली आहे, अशी माहिती पोलिसांनी सोमवारी दिली.

पोक्सो कायद्यान्वये गुन्हा दाखल

मुलीच्या तक्रारीच्या आधारे, पोलिसांनी शनिवारी शिक्षकाविरुद्ध भारतीय दंड संहिता आणि लैंगिक अपराधांपासून मुलांचे संरक्षण (POCSO) कायद्याच्या संबंधित तरतुदींनुसार गुन्हा दाखल केला, असे एका अधिकाऱ्याने सांगितले. या घटनेने विद्यार्थ्यांनीला चांगलाच धक्का बसला होता आणि ती नेहमीच घाबरलेली राहत होती.

शिक्षकाची पोलिस कोठडीत रवानगी

तक्रारीनुसार आरोपीने गेल्या महिन्यात अँटॉप हिल पोलीस स्टेशन हद्दीतील सायन कोळीवाडा परिसरात कोचिंग क्लासच्या आवारात मुलीचा दोनदा विनयभंग केला, असे पोलीस अधिकाऱ्याने सांगितले. अधिकाऱ्याने सांगितले की शिक्षकाला अटक करण्यात आली असून त्याला पोलिस कोठडी सुनावण्यात आली आहे.