India Musical Road Viral मुंबई: मुंबईकरांसाठी आणि पर्यटकांसाठी एक अनोखी भेट समोर आली आहे. मुंबईच्या 'छत्रपती संभाजी महाराज कोस्टल रोड'वर आता गाडी चालवताना केवळ इंजिनचा आवाज नाही, तर मधुर संगीतही ऐकू येणार आहे. नरिमन पॉइंट ते वरळी दरम्यान ५०० मीटरच्या पट्ट्यात भारतातील पहिला 'म्युझिकल रोड' तयार करण्यात आला असून, यावरून प्रवास करताना ए.आर. रहमान यांचे ऑस्करविजेते "जय हो" हे गाणे गुंजणार आहे.
नेमकं कसं काम करतं हे 'म्युझिकल' तंत्रज्ञान?
अनेकांना वाटू शकते की रस्त्याच्या कडेला मोठे स्पीकर्स लावले असतील, पण तसे नाही. हे पूर्णपणे विज्ञानावर आधारित तंत्रज्ञान आहे:
या संगीताचा आनंद घेण्यासाठी एक महत्त्वाची अट आहे. जर तुम्हाला गाणे स्पष्ट ऐकायचे असेल, तर गाडीचा वेग ताशी ६० ते ८० किलोमीटर असणे आवश्यक आहे. जर वेग या मर्यादेपेक्षा कमी किंवा जास्त असेल, तर संगीताचा सूर बिघडू शकतो.
