छत्रपती शिवाजी महाराज टर्मिनस ते चुना भट्टी/वांद्रे हार्बर मार्गावर सकाळी 11.40 ते दुपारी 4.40 पर्यंत मेगाब्लॉक असणार आहे. मेगाब्लॉकच्या कामामुळे चुनाभट्टी/वांद्रे छत्रपती शिवाजी महाराज टर्मिनस अप रोडवरील लोकल सकाळी 11.10 ते दुपारी 4.10 वाजेपर्यंत बंद राहणार आहे. तसेच छत्रपती शिवाजी महाराज टर्मिनस आणि वडाळा रोडवरून वाशी/बेलापूर/पनवेलपर्यंतची डाऊन हार्बर मार्गावरील सेवा सकाळी 11.16 ते दुपारी 4.47 पर्यंत आणि छत्रपती शिवाजी महाराज टर्मिनस ते वांद्रे/गोरेगावपर्यंत सकाळी 10.48 ते दुपारी 4.43 पर्यंत बंद राहणार आहे.
या मेगाब्लॉकदरम्यान कुर्ल्याच्या प्लॅटफॉर्म क्रमांक आठ ते पनवेलपर्यंत विशेष लोकल सोडण्यात येणार आहेत. याशिवाय मेगाब्लॉक दरम्यान हार्बर मार्गावरून प्रवास करणाऱ्यांना मध्य रेल्वेच्या मेन लाइन आणि पश्चिम रेल्वे मार्गावरून प्रवास करण्याची परवानगी देण्यात आली आहे. हार्बर मार्गावर मेगाब्लॉक लावण्यात आल्याने प्रवाशांची गैरसोय झाल्याबद्दल मध्य रेल्वेने दिलगिरी व्यक्त केली आहे.
