मिळालेल्या माहितीनुसार कस्टम्स विभागाने मुंबई आंतरराष्ट्रीय विमानतळावर आणखी एक तस्करीचा प्रयत्न उधळून लावला. कस्टम्स क्षेत्राच्या विमानतळ आयुक्तालयाने दोन वेगवेगळ्या प्रकरणांमध्ये २४ कॅरेट सोने, परकीय चलन आणि हिऱ्यांनी जडवलेले दागिने मोठ्या प्रमाणात जप्त केले आहे. या कारवाईत एका प्रवाशाला अटक करण्यात आली आहे.
कस्टम अधिकाऱ्यांनी सांगितले की इंडिगो एअरलाइन्सच्या दुबई-मुंबई विमानातून आलेल्या एका प्रवाशाकडून २४ कॅरेट सोन्याचे ०.६८९ किलो जप्त करण्यात आले. प्रवाशाने हे सोने त्याच्या शरीरात लपवले होते. संशयावरून अधिकाऱ्यांनी त्याला थांबवले आणि चौकशी केली असता तस्करीचे हे प्रकरण उघडकीस आले. जप्त केलेल्या सोन्याची किंमत सुमारे ६६.४३ लाख रुपये आहे. प्रवाशाला ताब्यात घेऊन चौकशी सुरू आहे.
