मिळालेल्या माहितीनुसार नालासोपारा येथे ड्रग्ज तस्करीविरुद्ध गुन्हे शाखा युनिट २ ने मोठी कारवाई केली. शनिवारी रात्री मिळालेल्या माहितीच्या आधारे, नालासोपारा पूर्वेतील सेंट्रल पार्क ग्राउंडजवळ सापळा रचण्यात आला. माहितीनुसार, तीन लोक ड्रग्ज विकण्यासाठी येत होते.
सापळ्यात अडकलेल्या तिघांना ताब्यात घेऊन त्यांची झडती घेण्यात आली. झडती दरम्यान त्यांच्याकडून २५० ग्रॅम मेफेड्रोन जप्त करण्यात आले. जप्त केलेल्या ड्रग्जची बाजारभावानुसार किंमत सुमारे ५० लाख रुपये असल्याचे सांगितले जात आहे. यानंतर, तिन्ही आरोपींना अटक करण्यात आली व गुन्हा दाखल करण्यात आला.
