मिळालेल्या माहितीनुसार अंबरनाथ पूर्वेतील पालेगाव येथे महिलेची निर्घृण हत्या केल्याप्रकरणी आठ दिवसांपासून फरार असलेल्या आरोपी पतीला अखेर गुरुवारी अटक करण्यात पोलिसांना यश आले. तसेच शिवाजी नगर पोलीस स्टेशन हद्दीत घडलेल्या या भीषण हत्याकांडाने अंबरनाथमध्ये खळबळ उडाली होती. आरोपीला पकडण्यासाठी अंबरनाथ पोलिसांचे एक पथक वाराणसीला गेले होते तेथून आरोपीला ताब्यात घेण्यात आले.
तसेच पत्नी रुपाली लोंढेचा निर्घृण खून करून आरोपी विकी बबन लोंढे हा अनेक दिवसांपासून फरार होता. गुरुवारी पोलिसांनी सांगितले की, ही घटना अंबरनाथ पूर्वेकडील पाळेगाव येथील पार्श्वेल सोसायटीत ८ ऑक्टोबर रोजी सायंकाळी घडली होती.
पोलिसांनी दिलेल्या माहितीनुसार, आरोपी विकी लोंढे याचा पत्नी रुपालीसोबत अनेक दिवसांपासून मुलीच्या ताब्यावरुन वाद सुरू होता. घटनेच्या दिवशीही या मुद्द्यावरून दोघांमध्ये वाद सुरू होता. यादरम्यान वाद इतका वाढला की, रागाच्या भरात विकीने तिची गळा चिरून तिची हत्या केली होती.
