बर्फाचे तट पेटूनि उठले सदन शिवाचे कोसळले... १९६२ च्या भारत चीन युद्ध पृष्ठभूमीवर लिहिलेली ही कविता आहे.

सोमवार, 22 जून 2020 (09:26 IST)
बर्फाचे तट पेटूनि उठले 
सदन शिवाचे कोसळले
रक्त आपुल्या प्रिय आईचे 
शुभ्र हिमावर ओघळते!
 
असुरांचे पद भ्रष्ट लागुनि 
आज सतीचे पुण्य मळे
अशा घडीला कोण करंटा 
तटस्थतेने दूर पळे?
कृतांत ज्वाला त्वेषाची 
ना कोणाच्या हृदयात जळे
साममंत्र तो सारे, राणीची 
नौबत आता धडधडते !
रक्त आपुल्या प्रिय आईचे 
शुभ्र हिमावर ओघळते!
 
सह्यगिरीतील वनराजांनो, 
या कुहरातुनि आज पुढे
रक्त हवे जर स्वतन्त्रतेला 
रक्ताचे पडतील सडे
एक हिमाचल राखायास्तव 
करा हिमाचल लक्ष खडे
समरपुराचे वारकरी हो, 
समरदेवता बोलविते!
रक्त आपुल्या प्रिय आईचे 
शुभ्र हिमावर ओघळते!
 
खडक काजळी घोटुनि तुमचे 
मनगट-बाहू घडलेले
कडेकपरिमधील वणवे 
उरात तुमच्या दडलेले
काबुल-कंदाहार पथावर 
डंके तुमचे झडलेले
शिवतेजाची दीपमाळ 
पाठीशी अपुल्या पाजळते!
रक्त आपुल्या प्रिय आईचे 
शुभ्र हिमावर ओघळते!
 
कोटी कोटी असतील शरीरे- 
मनगट अमुचे एक असे
कोटी कोटी देहात आजला 
एक मनीषा जगतसे
पिवळे जहरी सर्प ठेचणे 
अन्य मना व्यवधान नसे
एक प्रतिज्ञा, विजय मिळेतो 
राहील रण हे धगधगते!
रक्त आपुल्या प्रिय आईचे 
शुभ्र हिमावर ओघळते!
 
- कुसुमाग्रज 

वेबदुनिया वर वाचा

संबंधित माहिती

नक्की वाचा

Bhishma Panchak 2024 : आजपासून भीष्म पंचक व्रत, जाणून घ्या पूजा पद्धत आणि महत्त्व

Sun Transit 2024: सूर्याचे वृश्चिक राशीत संक्रमण, 3 राशीच्या लोकांना सतर्क राहावे लागेल

Guru Nanak Jayanti 2024: गुरु नानक जयंती कधी ? प्रकाश पर्व कसे साजरे करायचे जाणून घ्या

पतीच्या घोरण्यामुळे झोप मोड होतेय ? कारणे आणि घोरणे थांबवण्यासाठी 5 घरगुती उपाय

डोकेदुखीपासून मुक्त होण्यासाठी या सोप्या घरगुती उपायांचा अवलंब करा

नवीन

डबल चिनचा त्रास आहे, हे व्यायाम करून टोन्ड चेहरा मिळवा

पोटदुखीला हलके घेऊ नका, या 5 गंभीर समस्या होऊ शकतात

नात्यात या गोष्टींची विशेष काळजी घ्या

400 पर्यंत वाढलेली रक्तातील साखर लगेच डाऊन होईल, मधुमेहाच्या रुग्णांनी रिकाम्या पोटी हे 5 पदार्थ खावेत

खजुराचा हलवा रेसिपी